Gəncə Şəhər Birləşmiş Xəstəxanasında “20 Yanvar faciəsi tariximizin şərəf və qəhrəmanlıq səhifəsidir” adlı tədbir keçirilib.
Xəstəxanadan Aztibb.az-a bildirilib ki, əvvəlcə Vətənimizin azadlığı uğrunda canlarından keçmiş şəhidlərin əziz xatirəsi bir dəqiqəlik sükutla yad edilib.
Tədbirdə çıxış edən Gəncə Şəhər Birləşmiş Xəstəxanasının direktoru Nazim Əhmədov 33 il öncə müstəqil dövlətçilik tariximizin acılı, lakin şərəfli günlərinin yaşandığını diqqətə çatdırıb. Azərbaycan tarixində önəmli mərhələ təşkil edən bu cür qanla yazılan tarixlərin qeyd olunmasının və yaşadılmasının əhəmiyyətini vurğulayıb.
O, qeyd edib ki, xalqımızın Ümummilli Lideri Heydər Əliyev tərəfindən bu hadisələrə ilk dəfə hüquqi-siyasi qiymət verilib. Bu gün 20 Yanvar şəhidlərinin xatirəsi hər birimizin qəlbində əbədi yaşayır.
