Qışda dəri quruyur və bədən nəmini daha tez itirir. Susuzlaşmış dəri qıcıqlanır.  

Bəs qışda dərinizin qurumasının qarşısını almaq üçün nə etməlisiniz?  

Aztibb.az bu barədə cnnturk.com-a istinadən xəbər verir. Dermatoloq belə izah edir: 

Dərinin quruluğunu ən çox gördüyümüz vaxtlardan biri də qış aylarıdır. Bunun əsas səbəbi soyuq hava olsa da, səbəblərdən biri içəridəki havanın isinməsi və nəmini itirməsidir. 

Quru dəri qaşınma və soyulma kimi şikayətlərə səbəb ola bilər. Bunun xaricində mikroskopik çatlardan daxil olan mikrobların səbəb olduğu infeksiyalar və ya bu çatlardan daxil olan allergenlər səbəbiylə ekzema, dermatit kimi dəri xəstəlikləri görülə bilər. 

Xüsusilə çox soyuq havalarda dərimizi əlcək, şərf kimi aksesuarlarla qorumalı və soyuq havanın dəri ilə təmasını minimuma endirməyə çalışmalıyıq. Bundan əlavə, otaqda ətraf mühitin rütubətinə nəzarət etməli, lazım gələrsə qızdırıcıların üzərinə su qabı qoyaraq mühiti nəmləndirməliyik. 

Dəri quruluğunu aradan qaldırmaq üçün etməli olduğumuz ilk şey dərinin itirdiyi nəmi bərpa etməkdir. Bunun üçün nəmləndiricidən istifadə etmək vacibdir. Dərini yuduqdan sonra, xüsusən də duş qəbul etdikdən sonra ilk beş dəqiqədə, nəmlik hələ də dəridə ikən bu nəmi dəriyə bağlamaq üçün nəmləndirici vasitələrdən istifadə etmək vacibdir. 

Dərimizi necə qurulamaq da önəmlidir. Mütləq sürtməklə deyil, dəsmalı dərimizə yüngül toxunduraraq qurutmalıyıq. İstifadə etdiyimiz su da çox isti olmamalıdır. Çox isti su dərinin nəmini itirməsinə səbəb olur.  

Bundan başqa, qidalanmamız da önəmlidir. Gündə ən az 2 litr su içmək dərinin nəmini saxlamağa kömək edir.