Yaşıl Aralıq Dənizi Pəhrizi visseral (dərialtı) yağ toxumasını azaldır. Yaşıl Aralıq Dənizi Pəhrizinin (MED) əsası polifenollardan və azaldılmış qırmızı ətdən ibarətdir.

Aztibb.az xəbər verir ki, bu barədə həkim endokrinoloq Fərhad Burzu məlumat verib.

Onun sözlərinə görə, 18 aylıq tədqiqat (DİRECT PLUS) işlənməmiş polifenollardan ibarət olan MED pəhrizi (14%) sadə Aralıq Dənizi Pəhrizindən (7%) 2 dəfə çox visseral yağları azaltdığını göstərib:

"Araşdırmadan çıxarılan nəticələrdən biri də odur ki, kalorilərin miqdarı qədər qidanın keyfiyyəti də böyük əhəmiyyət kəsb edir. Həmçinin məqsəd müsbət (polifenollar) və mənfi (karbohidratlar, işlənmiş qırmızı ət kimi) qida maddələrinin daxili orqanlarda yağ hüceyrələrinin yığılma mexanizmini müəyyən etməkdir".

F.Burzu bildirib ki, rasionda və həyat tərzində sadə dəyişikliklər etməklə visseral yağların 14% azalması böyük nailiyyətdir. Əsas məqsəd yağ toxumasının azalması nəticəsində çəkinin azalmasıdır.

Endokrinoloq əlavə edib ki, əvvəlki araşdırmalar göstərdi ki, pəhrizdə daha çox polifenolların olması daha yaxşı kardiometabolik nəticələr verir və piy yığılmalarını əridir.