Gəncədə "Gender əsaslı cins seçiminin qarşısının alınmasında həkimlərin rolu" mövzusunda tədbir təşkil olunub.

Gəncə Şəhər Birləşmiş Xəstəxanasından Aztibb.az-a bildirilib ki, tədbir Gender Hub Azərbaycan və Gənclərin Maarifləndirilməsinə Dəstək İB-nin təşkilatçılığı ilə baş tutub.

Xəstəxananın ginekoloqlarının da iştirak etdiyi yığıncaqda selektiv abortlardan bəhs olunub. Həmçinin dölün cinsinə görə hamiləliyə son verilməsinin gender əsaslı cins seçiminin formalarından biri olduğu və bu cür seçimin doğulan uşaqlar arasında cins nisbətinin pozulmasına birbaşa təsir göstərdiyi diqqətə çatdırılıb.