Tailandın “Integrated Field” dizayn studiyasının “oyun şəfadır” devizi ilə icra etdiyi layihə əsasında hazırlanan uşaq klinikası böyük ictimai maraq doğurub.

Aztibb.az xarici saytlara istinadla xəbər verir ki, layihədə uşaqların klinikada müalicəsi, eyni zamanda, asudə vaxtlarını şən keçirmələri üçün bütün imkanlar yaradılıb.

Nəhəng oyun meydançasına bənzəyən klinikada uşaqların zövqünə uyğun bir neçə növ - standart, xüsusi və lüks palatalar mövcuddur. Pasiyentlərin çarpayılarının üzərində müxtəlif heyvan fiqurları formasında gecə lampaları asılıb.

Klinikada, həmçinin süni buludlar gəzişən hovuz da fəaliyyət göstərir.