“Həkimlərimizi tanıyaq!” rubrikamızda oxuculara Mərkəzi Gömrük Hospitalının yüksəkixtisaslı pediatr-neonatoloqu Aygün Sadıxovanı təqdim edirik.

Aygün həkim 1994-2001-ci illərdə Azərbaycan Tibb Universitetinin Pediatriya fakültəsində təhsil alıb, 2001-2002-ci illərdə K.Fərəcova adına Elmi-Tədqiqat Pediatriya İnstitutunda internatura keçib.

O, əmək fəaliyyətinə 2002-ci ildə başlayıb və 2017-ci ilə qədər dövlət tibb müəssisəsində pediatr-neonatoloq vəzifəsində çalışıb. 2017-ci ildən Mərkəzi Gömrük Hospitalında fəaliyyət göstərir.

Həkim Mərkəzi Gömrük Hospitalında yeni doğulmuş uşaqların müayinəsi, uşaqların anadan olduğu dövrdən 17 yaşa kimi olan dövrdə müayinə və müalicəsi, vaksinasiya, uşaqlarda qastroenterologiya, pulmonologiya, allerqologiya və otolarinqologiya ilə bağlı xəstəliklərin stasionar şəraitdə müalicəsi ilə məşğul olur.

Aygün Sadıxova mütəmadi olaraq beynəlxalq konfrans, seminar və elmi-praktik konfranslarda iştirak edir. O, 2018-ci ildə Neonatologiya üzrə I Bakı Beynəlxalq Konfransında, “Pediatriyada yeniliklər” mövzusunda VIII Simpoziumda, 2019-cu ildə Neonatologiya üzrə Azərbaycan-Türkiyə II İntensiv təlim kursunda, Neonatologiya üzrə II Bakı Beynəlxalq konqresində, 2022-ci ildə Türkiyənin İzmir şəhərində Ege Universitetinin Reanimasiya və Pediatriya şöbəsində neonatologiya üzrə rotasiya kursunda iştirak edib.    

Yüksəkixtisaslı pediatr-neonatoloq barədə daha ətraflı məlumat almaq üçün bu linkə daxil ola bilərsiniz: https://customshospital.az/aygun-sadixova/

Həkimin qəbuluna yazılmaq üçün əlaqə nömrəsi: (012) 404-08-08.