İstanbulda yaşayan Hüseyn Güvenaltun dişləri çürüdüyü üçün 3 ay əvvəl həkimə gedib.

Onun dişlərindən biri çıxarılıb, qırılan və çürüyən digər dişində isə iltihab inkişaf etdiyi üçün dərmanla müalicə olunub. 

Aztibb.az haberturk.com-a istinadən xəbər verir ki, bir müddət sonra ağrıları keçdiyi üçün o, bir daha həkimə müraciət etməyib.  

Baxımsız qalan qırıq dişi tədricən dilinin sol tərəfini yara edib və nəticədə yara xərçəngə çevrilib və qısa müddət ərzində xəstənin boynundakı limfaya yayılıb. 

Ağrıdan yatmaqda, danışmaqda çətinlik çəkən, yemək yeyə bilməyən gənc 6 saatlıq əməliyyatla dilinin 80 %-i kəsilib çıxarılaraq xərçəngdən xilas olunub.