Molekulyar Biologiya və Biotexnologiyalar İnstitutunun Bioadaptasiya laboratoriyasının aparıcı elmi işçisi, b.ü.f.d., dos. Nərgiz Sultanova və Genomun quruluşu və ekspressiyası laboratoriyasının aparıcı elmi işçisi, b.ü.f.d., dos. Səadət Xudaverdiyeva Türkiyənin İzmir Yüksək Texnologiyalar İnstitutunun (İYTE) “Plant Science and Technology Application and Research Center” tədqiqat mərkəzində elmi ezamiyyədə olublar.

İnstitutdan Aztibb.az-a bildirilib ki, azərbaycanlı alimlər tədqiqat mərkəzinin laboratoriyalarındakı bir sıra müasir cihazların iş prinsiplərinə yiyələniblər.

Səfər çərçivəsində İYTE-nin rektor köməkçisi, prof. Dr. Alper Baba, Fənn fakültəsinin dekanı, prof., Dr. Bünyamin Akgül, Molekulyar biologiya və genetika şöbəsinin aparıcı elmi işçisi Dr. Asena Akköse Baytar ilə görüşərək MBBİ ilə İYTE arasında kadr hazırlığı və birgə əməkdaşlıq əlaqələrini müzakirə ediblər.