Hollandiyanın Rotterdam şəhərindəki Erasmus Universiteti Tibb Mərkəzinin apardığı araşdırmaya görə, mütəxəssislər izah ediblər ki, yaşıdlarından yaşlı görünənlərin osteoporoz, eşitmə itkisi və katarakt kimi yaşa bağlı xəstəliklərə tutulma riski daha yüksəkdir.

Aztibb.az medimagazin.com.tr-yə istinadla bildirir ki, Daily Mail-in hesabatına görə, elm adamları yalnız üz fotolarına əsaslanaraq 50-90 yaş arası 2700-ə yaxın insanın yaşını hesablayıb və hər hansı tendensiyaları aşkar etməyə çalışmaq üçün onlardan xəstəlikləri barədə soruşublar.

Nəticədə faktiki yaşından beş yaş kiçik görünən iştirakçıların daha yaxşı düşünmə qabiliyyətinə malik olduqları ortaya çıxıb. Onların katarakt kimi xəstəliklərdən əziyyət çəkmə ehtimalı isə az olub.

Təqdqiqat barədə "British Journal of Dermatology"də məqalə dərc olunub.

Professor Tamar Nijsten bildirib ki, tədqiqat zamanı gənc görünmə ilə yaşa bağlı müxtəlif sağlamlıq problemləri arasındakı əlaqəni xüsusi araşdırdıq və gənc görünüşün daha aşağı sistemli qocalma ölçüləri ilə əlaqəli olduğunu gördük: "Əgər siz olduğunuzdan daha gənc görünsəniz, orqanlarınızın, bədəninizin və zehninizin sağlamlığı çox güman ki, bunu əks etdirəcək. Araşdırmamız açıq şəkildə göstərir ki, genetika ultrabənövşəyi şüalara məruz qalma və ya siqaret kimi adi həyat tərzi faktorlarından başqa bir şey var."