O, 2004-2010-cu illərdə Azərbaycan Tibb Universitetinin Müalicə işi fakültəsində təhsil alıb, 2010-2011-ci illərdə Respublika Kliniki Xəstəxanasında kardiologiya ixtisası üzrə internatura keçib, 2014-cü ildə Türkiyənin İstanbul şəhərində Maltepe Universitetinin Tibb fakültəsində exokardioqrafiya və kliniki kardiologiya üzrə təkmilləşdirmə kursu keçib.

 

Günay Məmmədova 2012-2014-cü illərdə müxtəkif tibb müəssisəsində kardioloq işləyib, 2015-ci ildən etibarən Mərkəzi Gömrük Hospitalında kardioloq kimi fəaliyyət göstərir. O, Mərkəzi Gömrük Hospitalında EKQ, holter monitorinqi, fiziki yük sınağı, exokardioqrafiya, transezofageal EXO, stress exokardioqrafiya, ambulator qan təzyiqi monitorizasiyası ilə pasiyentləri müayinə edir və bütün növ ürək-damar xəstəliklərinin müalicəsini həyata keçirir.

 

 

Həkim 2016-cı ildə Türkiyə Kardioloji Birliyinin Birinci Bakı simpoziumunda, 2018-ci ildə Azərbaycan Kardiologiya Cəmiyyətinin VII Milli konqresində, 2019-cu ildə Avropa Kardioloqlar Cəmiyyətinin Fransanın paytaxtı Parisdə keçirilən Beynəlxalq Kardiologiya konqresində, 2022-ci ildə Azərbaycan Kardiologiya Cəmiyyətinin təşkilatçılığı ilə keçirilən XI Milli konqresində və eyni ildə IV Azərbaycan İnvaziv Kardiologiya konqresində iştirak edib.

 

Günay Məmmədova Türkiyə Kardiologiya Cəmiyyətinin, Avropa Kardiologiya Cəmiyyətinin və Azərbaycan Kardiologiya Cəmiyyətinin üzvüdür. Həkim barədə daha ətraflı məlumat almaq üçün bu linkə daxil ola bilərsiniz:

 

Kardioloqun qəbuluna yazılmaq üçün əlaqə nömrəsi: (012) 404-08-08.