Amerika Pediatriya Akademiyasının yeni piylənmə bələdçisində 12 yaşından etibarən piylənmə riski olan uşaqların erkən qiymətləndirilməsi və dərman istifadəsi, 13 yaşından isə cərrahiyyə kimi aqressiv müalicə üsullarının tətbiqi tövsiyə olunur.

Aztibb.az medimagazin.com.tr-yə istinadla xəbər verir ki, uşaq və yeniyetmələrin özbaşına piylənmədən xilas ola biləcəkləri düşüncəsi ilə dərman müalicəsinin gecikdirilməsi ABŞ-da 14 milyon 400 min gənci narahat edən problemin daha da ağırlaşmasına səbəb olur.

Müalicə olunmayan piylənmə yüksək qan təzyiqi, diabet və depressiya kimi ömürlük sağlamlıq problemlərinə səbəb ola bilər.

İlk dəfə olaraq, Amerika Pediatriya Akademiyasının təlimatları uşaqlar və yeniyetmələrə dərman və cərrahiyyə kimi həllər təklif etmək üçün uyğun yaşları müəyyən edib. Ümumrespublika Uşaq Xəstəxanası Sağlam Çəki Mərkəzinin rəhbəri Eneli bildirib ki, bələdçiyə intensiv pəhriz, idman və digər davranış və həyat tərzi müdaxilələri də daxildir.

Təlimatlara əsasən, həkimlər piylənmə ilə üzləşən 12 yaş və daha yuxarı yeniyetmələr üçün müvafiq dərman preparatlarına çıxışı təmin etməli və ağır piylənmə ilə üzləşən 13 və daha yuxarı yaşda olanları arıqlama əməliyyatları üçün yönləndirməlidirlər.