Mərkəzi Gömrük Hospitalının Cərrahiyyə və Orqan Transplantasiyası şöbəsinin rəisi, cərrah-transplantoloq Mircəlal Kazımi sağ tərəfində ağrı şikayətləri ilə Mərkəzi Gömrük Hospitalına daxil olan pasiyentin əməliyyatı barədə məlumat verib.

 

Aztibb.az xəbər verir ki, təcili qaydada daxil olan pasiyent müvafiq müayinələrədən keçdikdən sonra öd kisəsində daşların mövcudluğu ilə yanaşı, daşlardan birinin yetəri qədər böyük olduğu, bu daşın öd kisəsi boynuna pərçimlənərək öd kisəsinin şişməsi və iltihablaşmasına səbəb olması, o cümlədən daşlardan birinin isə ana öd kanalına düşməsi müəyyən olunmuşdur.

 

Pasiyentə eyni etapda endoskopik yolla öd yolundakı daşın çıxarılması, laparoskopik üsulla öd kisəsi daşı və öd kisəsinin çıxarılması əməliyyatı təklif olunub. Eyni seansda hər iki prosedur Mərkəzi Gömrük Hospitalının Cərrahiyyə şöbəsinin rəisi, ümumu cərrah Namiq Novruzov və Cərrahiyyə və Orqan Transplantasiyası şöbəsinin rəisi, cərrah-transplantoloq Mircəlal Kazımi ilə birgə uğurla icra olunub. Əməliyyatdan sonra pasiyent tam sağlam evə yazılıb.