Böyük Britaniyanın Səhiyyə və Sosial Xidmətlər Departamenti mRNA əsaslı xərçəng peyvəndi üçün BioNTech ilə əməkdaşlıq edəcəyini açıqlayıb.

Aztibb.az medimagazin.com.tr-yə istinadla bildirir ki, birgə əməkdaşlıq çərçivəsində 2030-cu ilə qədər İngiltərədə 10 min xərçəng xəstəsi mRNA əsaslı fərdiləşdirilmiş xərçəng peyvəndi ilə müalicə olunacaq.

"Əməkdaşlıq 2030-cu ilə qədər yeni tədqiqat və inkişaf mərkəzi vasitəsilə Britaniya xəstələrinə 10.000 fərdi müalicə kursu təqdim etməyi hədəfləyir. Yeni tərəfdaşlıq xərçəng və yoluxucu xəstəliklərə qarşı peyvəndlər üçün fərdi immunoterapiya klinik sınaqlarını sürətləndirməyə kömək edəcək", - Böyük Britaniya Səhiyyə və Sosial Xidmətlər Departamentinin verdiyi açıqlamada deyilir.

Böyük Britaniyanın Səhiyyə və Sosial Xidmətlər naziri Stiv Barklay ilə BioNTech arasında bu gün imzalanacaq "tarixi" anlaşma memorandumunun təfərrüatlarına görə, xərçəng xəstələri klinikaya erkən çıxış əldə edəcəklər. Xərçəng peyvəndləri kimi fərdiləşdirilmiş mRNT müalicələrini araşdıran sınaqlar və hər bir peyvənd xəstəyə xas olacaq. Nazirlik vurğulayıb ki, ilk klinik sınaqlar ən tez bu ilin avqustunda başlayacaq.

Müqaviləyə əsasən BioNTech Böyük Britaniyada tədqiqat və inkişaf mərkəzləri açacaq. BioNTech-in qurucusu və baş direktoru, prof. Uğur Şahin məqsədlərinin 20 ildən artıqdır tədqiq etdikləri texnologiyalardan istifadə edərək immun terapiya və peyvəndlərin inkişafını sürətləndirmək olduğunu bildirib.