Aztibb.az “Həkimlərimiz tanıyaq!” rubrikasında plastik cərrah Vüqar Əsgərov haqqında məlumatı təqdim edir:
Vüqar Əsgərov 2001-ci ildə Azərbaycan Tibb Universitetini bitirib. Daha sonra Ukraynada klinik ordinatura keçərək 2013-cü ildən Bakıda fəaliyyətə başlayıb.
O, uşaq və böyüklər üzərində bütün növ estetik-rekonstruktiv əməliyyatları icra edir.
Belə ki, uşaqlarda rast gəlinən damaq bitişikliyi, dövşandodaqlıq, qurdağızlıq, hemangioma, böyüklərdə blefaroplastika, otoplastika, mamoplastika, abdominoplasika (qarın gərmə) və digər problemlərin cərrahi yolla aradan qaldırılması üçün həkimə müraciət edə bilərsiniz.
Qeyd edək ki, Vüqar Əsgərov, həmçinin 44 günlük Vətən müharibəsi iştirakçısı olub. O, Suqovuşan, Qubadlı və Laçın istiqamətində gedən döyüşlərdə yaxından iştirak edib. Ölkə Prezidentinin Sərəncamı ilə “Laçının işğaldan azad olunmasına görə” medalı ilə təltif edilib.
