“Həkimlərimizi tanıyaq!” rubrikamızda pasiyentlərə böyük qayğı ilə yanaşan Sumqayıt Tibb Mərkəzinin (STM) tabeliyindəki 4 nömrəli ASM-in həkim-pediatrı Nərmin Əmirovanı təqdim edirik.

 

Nərmin Əmirova 1990-ci ildə Sumqayıt şəhərində anadan olub. 2008-2014-cü illərdə Naxçıvan Dövlət Universitetinin Pediatriya fakültəsində təhsil alıb. 2014-cü ildə Azərbaycan Tibb Universitetində klinist-immunoloq vəzifəsində rezidentura keçib.

 

O, 2011-ci ildə Atatürk Universitetinin Araştırma Xəstəxanasında, 2012-ci ildə isə Erciyes Universitetinin Uşaq xəstəlikləri xəstəxanasında ixtisasartırma kursunda iştirak edib.

 

Nərmin Əmirova 2017-ci ildə Respublika Taun Əleyhinə Stansiyada həkim-immunoloq, laboratoriya rəhbəri işləyib. 2019-cu ildən Sumqayıt şəhər 3 nömrəli Uşaq poliklinikasında (hazırda 4 nömrəli ASM) həkim-pediatr vəzifəsində çalışır.

 

Gənc həkim Amerika Ürək Assosiasiyasının və Ümumdünya Səhiyyə Təşkilatının üzvüdür.