ABŞ Səhiyyə Departamentinin tabeliyindəki Federal Qida və Dərman İdarəsi (FDA) qadınların abort dərmanları olaraq bilinən və hamiləliyi 10 həftəyə qədər dayandıran həbləri apteklərdən və ya poçtla əldə edə biləcəklərini açıqlayıb. 

Aztibb.az-ın medimagazin.com.tr-yə istinadla xəbərinə görə, ABŞ Ali Məhkəməsinin keçən il federal abort hüququnu ləğv edən qərarından sonra bəzi ştatlarda aborta qadağa qoyulmuşdu.

FDA-nın açıqlamasında, dünəndən etibarən abort həblərinin çatdırılması ilə bağlı qaydaların dəyişdiyi, dərmanların səlahiyyətli şəxslərin resepti ilə apteklərdən alına biləcəyi və ya apteklər tərəfindən poçtla göndərilə biləcəyi qeyd olunub.

Bildirilib ki, yeni tənzimləmə ilə apteklər artıq dərmanların yayılması və dərmanların müştərilərinə çatdırılması üçün sertifikat üçün müraciət edə biləcəklər.