Son dövrlərdə uşaqlar və hamilə qadınlar arasında anemiya problemi artıb. Aparılan araşdırmalara görə, hamilə qadınlar arasından anemiyanın yayılması 40,4 faizə çatıb.

Aztibb.az-ın xəbərinə görə, anemiyanın müxtəlif növləri olduğu kimi, müalicə metodları da fərqlidir. Anemiya qan azlığıdır. Bu gün analığa namizədlər hamiləlik dövründə ən azı 3 dəfə qanın ümumi analizini verməlidir. Əgər qanda hər hansı bir dəyişiklik, xəstəlik varsa,3 dəfə yox, daha artıq yoxlanılmalıdır. Normada hemoqlobinin miqdarı 12-16 q/l qədər normal hesab edilir.

Hamiləlik dövründə anemiya hamiləliyin vaxtından əvvəl sonlanması ilə nəticələnə bilər. Uşaq çəkidə, boyda inkişafdan qala bilər. Eyni zamanda, anemiya ilə müşahidə edilən hamiləlikdə doğum zamanı qanaxmaya meylilik daha çox olur. Çünki hemoqlabin səviyyəsi normal olan qadın üçün doğuş zamanı qan itirmək heç bir problem yaratmır. Qan azlığı olan qadın doğum prosesində qan itirərsə, damar spazmları, trombozlar, damar daxili laxtalanmaya qədər gətirib çıxara bilər.