Biotin-B qrup vitamindir. B7 və ya H vitamini kimi də bilinir. Biotin orqanizmdə baş verən biokimyəvi reaksiyalarda iştirak edir.
Fərhad Burzu bildirib ki, yağ mübadiləsində əhəmiyyətə malik olub, qanda yaxşı xolesterin (HDL) səviyyəsinin artmasına, pis xolesterin (LDL, Triqliserid) fraksiyalarının azalmasına səbəb olur. Həmçinin biotin sinir sistemi xəstəlikləri zamanı zədələnmiş sinir liflərinin bərpasında, qəbul etdiyimiz qidaların enerjiyə çevrilməsində, qaraciyər funksiyalarının yaxşılaşdırılmasında, rol oynayır.
"Bütün sadalananlarla yanaşı, Biotin keratin sintezində önəmli rol oynayır. Buna görə də Biotinin əsas saçların, dırnaqların və dərinin ketfiyyətinə təsir edir. Saçların tökülməsinin qarşısını almaqla bərabər saçların əmələ gəlməsini stimullaşdırır, saçlara canlılıq verir. Dırnaqların qırılqanlığını aradan qaldırır, möhkəmləndirir. Dərinin quruluğunu aradan qaldıraraq turqorunu artırır daha canlı dəri örtüyünün yaranmasına səbəb olur", - deyə endokrinoloq əlavə edib.
