Aztibb.az xəbər verir ki, iclası giriş sözü ilə açan STM-in direktoru Səkinə Sadıxova cari ildə görülən işlər haqqında ətraflı məlumat verib və qarşıda duran vəzifələrdən danışıb.

 

Tibb işçilərinin səmərəli fəaliyyəti təqdir olunub, rəhbərlik tərəfindən qiymətləndirilib.

 

Belə ki, anestezioloq-reanimatoloq Yelmar Süleymanov STM rəhbərliyi tərəfindən çoxillik səmərəli fəaliyyətinə, yüksək peşəkarlığa və tibb sahəsində göstərdiyi xidmətlərə görə "İlin həkimi" adı ilə mükafatlandırılıb.

 

STM-in tabeliyində fəaliyyət göstərən tibb müəssisələrinin qeydiyyatçıları isə göstərdikləri xidmətlərə görə Təşəkkürnamə ilə təltif ediliblər.

 

Sonda STM-in direktoru S.Sadıxova Dünya Azərbaycanlılarının Həmrəyliyi Günü və qarşıdan gələn Yeni il münasibətilə kollektivi təbrik edib və gələcək fəaliyyətlərində uğurlar arzulayıb.