Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin reabilitasiya müəssisələrinin əməkdaşları ilə görüşdə 2022-ci il ərzində reabilitasiya sahəsində görülən işlər müzakirə edilib.

Bu barədə Aztibb.az-a Agentlikdən bildirilib.

Qeyd edilib ki, cari il ərzində göstərilən reabilitasiya xidmətlərinin növlərinin artırılması, xidmət keyfiyyətinin yüksəldilməsi üçün yeni layihələrin icrasına başlanılıb. Bu il səyyar reabilitasiya xidməti istifadəyə verilib, Reabilitasiya avtobusu kimi layihələr uğurla yerinə yetirilib, nüfuzlu beynəlxalq qurumlarla əməkdaşlıq memorandumları imzalanıb.

Sonda keyfiyyətli reabilitasiya xidmətlərinin göstərilməsində dəstək verən reabilitasiya müəssisələri və Agentliyin bir neçə əməkdaşı təşəkkürnamə ilə təltif edilib.