Yaponiyanın səhiyyə orqanları Alzheimer xəstəliyinin əlamətlərini aşkar edə bilən qan testi dəstinin istifadəsinə icazə verib.

Aztibb.az medimagazin.com.tr-yə istinadla bildirir ki, Yaponiyanın Sysmex şirkəti tərəfindən istehsal edilən diaqnostik dəst Alzheimer xəstələrinin beyinlərindəki “amiloid beta” zülalını ölçə bilir.

Belə ki, test dəsti xəstədən alınan az miqdarda qanda "amiloid beta" zülalının miqdarını ölçərək erkən diaqnoz və müalicə təklif edəcək.

Sysmex şirkətinin bəyanatında deyilir: "Biz məhsulun sürətlə bazara çıxarılmasına, eləcə də Yaponiyanın milli tibbi sığortası şərçivəsində istifadəsinə hazırıq".