K.Y.Fərəcova adına Elmi-Tədqiqat Pediatriya İnstitutunda həkim rezidentlərin bilik və bacarıqlarının artırılması məqsədilə növbəti seminar keçirilib.
İnstitutdan Aztibb.az-a bildirilib ki, seminarda baş həkim, uzman doktor Azər Əhmədov, həkim əməkdaşlar və həkim rezidentlər iştirak ediblər.
Tədbirdə uzman pediatr Emil Nuriyev, həkim rezident Fidan Quliyeva və Nigar İbrahimli “Yenidoğulmuşlarda hemorragik xəstəlik” mövzusunda təqdimatla çıxış ediblər.
Emil Nuriyev bildirib ki, “Yenidoğulmuşlarda hemorragik xəstəlik”- ilk təzahürlər uşağın həyatının 1-ci və 3-cü günləri arasında baş verir. Onlar göbək yarasının, bağırsaqların və mədənin qanaxmasının artması, dəridə xarakterik ləkələrin görünüşü ilə xarakterizə olunur.
Həkim rezident Fidan Quliyeva və Nigar İbrahimli isə xəstəliyin diaqnostika, müalicəsi və formalarından danışıblar.
Sonda mövzu ətrafında müzakirələr aparılıb, iştirakçıların sualları cavablandırılıb.