Elm və Təhsil Nazirliyi Genetik Ehtiyatlar İnstitutunun (GEİ) əməkdaşlarının “Web of Science” və “Scopus” bazalarında 19 məqaləsi dərc olunub və onların elmi məqalələrinə 975 istinad edilib.

İnstitutdan Aztibb.az-a bildirilib ki, bu barədə institutun 2022-ci il üzrə elmi və elmi-təşkilati fəaliyyətinin yekunlarına həsr olunmuş iclasında bildirilib.

Qeyd olunub ki, əməkdaşların müəllifliyi ilə il ərzində 2 kitab, 2 monoqrafiya (1-i xaricdə), 115 məqalə, 99 tezis dərc olunub. Yeni yaradılan bitki sortlarına görə 4 patent alınıb.