Şirvan şəhər Səhiyyə İşçiləri Həmkarlar İttifaqı Şurası Dünya Azərbaycanlılarının Həmrəyliyi Günü və Yeni il bayramı münasibətilə tədbir təşkil edib.

 

Bu barədə Aztibb.az-a Şirvan Şəhər Mərkəzi Xəstəxanasından məlumat verilib.

 

Tədbiri giriş sözü ilə açan Keyfiyyətə nəzarətin idarəedilməsi komitəsinin rəhbəri Qalib Mirzəyev bu əlamətdar günün əhəmiyyətindən danışıb, bayramlar münasibətilə tibb işçilərini təbrik edib. Bildirib ki, dünya azərbaycanlılarının birliyi ideyası Azərbaycan xalqının ümummilli lideri Heydər Əliyevin dövlətçilik tariximizdəki ən böyük xidmətlərindən biridir. 

 

O, Dünya Azərbaycanlılarının Həmrəylik Gününün dünyanın bir çox ölkəsində milyonlarla soydaşımız tərəfindən qeyd olunduğunu diqqətə çatdırıb.

 

Sonra Səhiyyə işçiləri Həmkarlar İttifaqı Şurasının sədri Mehparə Səmədova çıxış edərək təbrikini çatdırıb, səhiyyə işçilərə sağlam həyat, bol ruzi və ailələrinə əmin-amanlıq arzulayıb.

 

Tədbirin sonunda bayram münasibətilə Şirvan Şəhər Mərkəzi Xəstəxanasında çalışan 8 şəhid ailəsi, 12 veteran, 2 qazi, 15 müharibə iştirakçısı olmaqla 400 nəfərə hədiyyə (ərzaq) paketləri təqdim edilib.