Gənc həkim Şəbnəm Qədməliyeva Mərkəzi Gömrük Hospitalının Nefrologiya və efferent terapiya şöbəsinin nefroloqu vəzifəsinə təyin olunub.

Bu barədə Aztibb.az-a Hospitaldan məlumat verilib.

Şəbnəm Qədməliyeva  2012-2018-ci illərdə Azərbaycan Tibb Universitetinin (ATU) Müalicə işi fakültəsində təhsil alıb. ATU-nu fərqlənmə diplomu ilə bitirən gənc həkim təhsilini 2018-2022-ci illərdə Mərkəzi Gömrük Hospitalının Nefrologiya və Efferent  Terapiya şöbəsində nefrologiya ixtisası üzrə rezidenturada davam etdirib.

Şəbnəm həkim rezidenturada təhsil aldığı dövrdə kuratoru Efferent terapiya şöbəsinin rəisi, həkim-nefroloq Mirmənsim Məmmədovun rəhbərliyi altında nefrologiyanın müxtəlif sahələrinin sirlərini öyrənib, eləcə də Cərrahiyyə və Transplantasiya şöbəsinin rəisi, cərrah-transplantoloq Mircəlal Kazıminin köməkliyi ilə ilə böyrək transplantasiyası üzrə praktiki biliklərə yiyələnib.

O, 20 dekabr 2022-ci ildən etibarən Mərkəzi Gömrük Hospitalında həkim-nefroloq kimi fəaliyyətə başlayıb.