Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən həkimlərimizi tanıtmaqda davam edir.
Rubrikada bu dəfə Quba Rayon Mərkəzi Xəstəxanasının Ailə Sağlamlıq Mərkəzinin həkim-ginekoloqu Bikəxanım Ağayeva haqqında məlumatları diqqətə çatdırırıq.
Bikəxanım Adil qızı Ağayeva 1954-cü il iyun ayının 10-da Quba rayonunda anadan olub. 1973-1979-cu illərdə Nəriman Nərimanov adına Azərbaycan Dövlət Tibb Universitetində təhsil alıb.Bakida 5 nömrəli xəstəxanada internatura keçdikdən sonra 1980-1988-ci illərdə Quba rayonlararası Ginekolojı Dispanserdə həkim işləyib.
O, 1988-ci ildə Azərbaycan Dövlət Həkimləri Təkmilləşdirmə İnstitutunda mamalıq-ginekologiya kursu keçib. Sonrakı illərdə Quba Rayon Mərkəzi Xəstəxanasının Qadın Məsləhətxanasında həkim-ginekoloq kimi fəaliyyət göstərib.Hazırda Quba RMX-nın Ailə Sağlamlıq Mərkəzində həkim-ginekoloq (Ailə həkimi) vəzifəsində iş fəaliyyətini davam etdirir.
