Aztibb.az "Həkimlərimizi tanıyaq!" Mingəçevir Şəhər Mərkəzi Xəstəxanasının həkimi, ümumi cərrah Telman Osmanov haqqında məlumatı təqdim edir:

 

T.Osmanov 1957-ci ildə Qərbi Azərbaycanın Qədim Cəlaloğlu şəhərində anadan olub. 1975-ci ildə orta məktəbi əla qiymətlərlə bitirib. Rusiya Federasiyasının Sverdlovsk vilayətində Tibb İnistitutunun Müalicə proflaktika fakültəsinə qəbul olub.

 

1981-ci ildə ali məktəbi qırmızı diplomla bitirərək Sverdlovsk vilayətinin Krasnouralask Şəhər Mərkəzi Xəstəxanasında həkim cərrah və onkoloq kimi əmək fəaliyyətinə başlayıb və bir müddət Cərrahiyyə şöbəsinin müdiri kimi calışıb.

 

Tələbəlik illərindən etibarən elmi işlə məşğul olan Telman Osmanov vaxtaşırı müxtəlif müsabiqələrdə, elmi konfranslarda iştirak edərək bilik və təcrübələrini daha da artırmağa çalışıb.

 

O, 1980-ci ildə SSSRİ Elmlər Akademiyası tərəfindən təşkil olunmuş Ümumittifaq Elmi işlər üzrə Gənc Alimlərin Müsabiqəsində 3-cü yer tutduğuna görə Fəxri diplomla təltif edilib.

 

Gənc alim kimi nailiyyətləri yüksək olmasına baxmayaraq Telman Osmanov ümumi cərrah olmağı daha üstün tutub. 1985-ci ildən Mingəçevir rayonlararası Onkoloji Dispanserdə onkoloq cərrah, 1987-ci ildən Mingəçevir ŞMX-da həkim cərrah kimi fəaliyyətini davam etdirib. Peşəkarlığı və təcrübəsi ilə yüzlərlə xəstəyə şəfa verən Telman Osmanov 1994-cü ildə ali dərəcəli həkim cərrah adına layiq görülüb. 2021-ci ildə Rusiya Federasiyasının Ural Tibb Akademiyasında 1 aylıq kursda olaraq minimal invaziv cərrahiyyə əməliyyatını mənimsəyərək, Mingəçevir ŞMX-da uğurla həyata keçirib və hal hazırda davam etdirir.

Telman Osmanov abdominal cərrahiyyədə aparılan bütün növ əməliyyatların öhdəsindən asanlıqla gəlir. Bundan əlavə, strumektoviya, flebektomiya, radikal mastektomiya, ətrafların ambutasiyası, təxirəsalınmaz döş qəfəsindəki əməliyyatları, plastik cərrahiyyəni, “Dovşan dodaq” adlanan anadangəlmə qüsurların, dəri plastikası, abdominoplastika və s. əməliyyatları uğurla icra edir.