TƏBİB ölkə səhiyyəsində müasir tibbi trendlər tətbiq edib, səhiyyənin yenidən qurulmasında böyük xidmətlər göstərib.
Aztibb.az xəbər verir ki, bu barədə Səhiyyə komitəsinin üzvü, millət vəkili İlham Məmmədov "TƏBİB - Tibbdə müasir keyfiyyət mərhələsi: real perspektivlər gələcəyə baxış" adlı hesabat konfransında çıxışı zamanı məlumat verib.
İ.Məmmədov TƏBİB-in 4 illik fəaliyyəti dövründə keçdiyi yol haqqında məlumat verib. Qeyd edib ki, TƏBİB ölkə Prezidentinin səhiyyə sahəsində həyata keçirdiyi siyasətin uğurla icra olunmasına dəstək verir.
Millət vəkili qurumun pandemiya dövründə də uğurla fəaliyyət göstərdiyini, həkimlərimizin COVID-19-la mübarizədə yaxından iştirak etdiklərini qeyd edib. O, həmçinin həkimlərimizin Vətən müharibəsi dövründə böyük fədakarlıqlar göstərərk cəbhə bölgəsində yaralı əsgərlərimizə xidmət etdiklərini diqqətə çatdırıb.
