TƏBİB-in tabeliyindəki tibb müəssisələrində stasionar, ambulator, laborator xidmətlərin, cərrahi əməliyyatların, eləcə də həkimə gəlişlərin sayı açıqlanıb.

Aztibb.az xəbər verir ki, bu barədə TƏBİB-in icraçı direktoru Vüqar Qurbanov “TƏBİB - Tibbdə müasir keyfiyyət mərhələsi: real perspektivlər, gələcəyə baxış” adlı hesabat konfransında məlumat verib.

O, bildirib ki, cari ilin 11 ayı ərzində TƏBİB-in tabeli tibb müəssisələrində 40.277.004 xidmət göstərilib ki, onun 33.888.773-ü ambulator, 6.388.231-i isə stasionar tibbi xidmətin payına düşüb:

"Həkimə gəlişlərin sayı 7.214.551 təşkil edib. Tabeli tibb müəssisələrində 11 ayda 292.320 əməliyyat icra olunub. Laborator xidmətlərin sayı 8.522.701 olub. Cari il ərzində TƏBİB-in tibb müəssisələrinə 12440 tibb işçisi işə qəbul olunub".