Qan Donorları Assosiasiyasının sədri Fuad Əsgərov və qurumun layihələr üzrə koordinatoru Ülkər Xanlarova 8-12 dekabr tarixlərində Nepalın paytaxtı Katmandu şəhərində keçirilən XX Dünya Gəncləri Forumunda iştirak ediblər.
Assosiasiyadan Aztibb.az-a verilən məlumata görə, forumun əsas məqsədi pandemiya sonrası dünya ölkələrində qan donorluğunun vəziyyətinin müzakirəsi, yeni müştərək layihələrin həyata keçirilməsi və təcrübə mübadiləsinin aparılması olub.
Tədbir iştirakçıları layihə çərçivəsində Nepalın Milli Qırımızı Xaç Cəmiyyəti və Mərkəzi Qan Bankında rəsmi görüşlərdə olublar.
Qeyd edək ki, forumun tərəfdaşları Qan Donorları Cəmiyyətlərinin Beynəlxalq Federasiyası, Beynəlxalq Gənclər Komitəsi və Nepal Milli Qan Donorları Cəmiyyəti olmuşdur.
Azərbaycandan olan nümayəndə heyəti Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə beynəlxalq forumda iştirak edib.