Qarın divarının yırtığı fiziki işlə, idmanla məşğul olmağa mane olur, ağrılara səbəb olur.

Aztibb.az xəbər verir ki, bu barədə ümumi cərrah Səxavət Hüseynov məlumat verib.

Həkim bildirib ki, bu zaman yırtıq kisəsində olan daxili orqanların normal fəaliyyəti pozulur, orqanlar travmalara məruz qalır, bitişmələr əmələ gələ bilər.

"Qarın divarının yırtığı xəstəliyinin əvvəlində fiziki gərginliklər zamanı yırtıq olan yerdə yüngül ağrılar ola bilər. Xəstəlik inkişaf etdikcə insan qarın nahiyəsində oval formasında qabartmanın olmasını müşahidə edir", - deyə Səxavət Hüseynov qeyd edib.