Aztibb.az xəbər verir ki, narın tərkibi kalium, fosfor, kalsium, natrium, dəmir kimi minerallarla, həmçinin A, B1, B2, B3, C vitaminləri ilə zəngindir. Nar ürək-damar sistemini möhkəmləndirir, mədəaltı vəzin fəaliyyətini və qanın tərkibini yaxşılaşdırır, eyni zamanda hemoqlabini artırmağa kömək edir. Nar meyvəsi bakteriya və iltihab əleyhinə təsir göstərir, vərəm xəstəliyinin profilaktikasında effektivdir.

 

Bundan başqa, nar immuniteti gücləndirir və orqanizmi virus və soyuqdəymə xəstəliklərindən qoruyur. Öskürək zamanı şirin nar yeyilməsi öskürəyi kəsir, ağciyərləri təmizləyir. Turş nar isə ürəkbulanmanı azaldır, sidikqovucu təsir edir, mədə və qida borusundan qaynaqlanan ağız qoxusunun qarşısını alır.

 

Nar meyvəsi qan təzyiqini aşağı salır, bu səbəbdən hipertoniyada çox vacibdir. Eyni zamanda, orqanizmdən radioatkiv maddələri ifraz edir, qaraciyəri sağlamlaşdırır. Narın dənələri və qabığı da müalicəvidir.

 

Təbii ki, narın faydaları ilə yanaşı ziyanı da var. Nar şirəsi xroniki mədə xəstəliyi olanlara məsləhət görülmür. 1 yaşına qədər uşaqlara da nar şirəsi vermək olmaz. 4-7 yaş arası uşaqlara verilən nar şirəsinə su qatmaq lazımdır. Həmçinin qastrit, enterit və mədə xorasından əziyyət çəkənlərə nar çəyirdəyi udmaq olmaz.