Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən həkimlərimizi tanıtmaqda davam edir.
Rubrikada bu dəfə Mingəçevir Şəhər Mərkəzi Xəstəxanasının Cərrahiyyə şöbəsinin həkim-proktoloqu Afiq Xudiyev haqqında məlumatları diqqətə çatdırırıq.
Afiq Muxtar oğlu Xudiyev 1958-ci ildə Laçın rayonunda anadan olub. 1979-1986-cı illərdə Azərbaycan Tibb İnstitutunun Müalicə-proflaktika fakültəsində təhsil alıb.
O, Bakı şəhər 5 saylı Xəstəxanasında internatura keçdikdən sonra 1986-cı ildə Mingəçevir ŞMX-nın Proktologiya şöbəsində həkim proktoloq kimi əmək fəaliyyətinə başlayıb. 1995-2017-ci illərdə xəstəxananın Proktologiya şöbəsinin müdiri vəzifəsini icra edib. 2017-ci ildən Mingəçevir ŞMX-nın Cərrahiyyə şöbəsində həkim-proktoloq vəzifəsində çalışır.