Uşaqlar öskürən zaman adi suyu çox qəbul etdirməyə çalışın. Su qəbulu bəlğəmin daha asan çıxarılmasına kömək edir.

Aztibb.az xəbər verir ki, bu barədə həkim-pediatr Nigar Süleymanova bildirib.

Onun sözlərinə görə, uşaqlar öskürərkən bəlğəmi ya udaraq, ya da qusaraq xaric edirlər. Əgər öskürən zaman uşaq qusub bəlğəm xaric edirsə, bunun üçün narahat olmayın.

"Əgər körpənizdə uzunmüddətli öskürək varsa, vaxtında həkimə müraciət etməyiniz tövsiyə olunur", deyə Nigar Süleymanova valideynləri diqqətli olmağa çağırıb.