Azərbaycan Respublikası Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin rəisi, t.e.d., ürək-damar cərrahı Rəşad Mahmudov 4 gün əvvəl anadangəlmə ürək qüsuru olan balaca pasiyentə minimal invaziv üsulla ürək əməliyyatı icra edib.

Bu barədə Aztibb.az-a Gömrük Hospitalından məlumat verilib.

Zəhra balanı sağlam şəkildə evə yola salan Rəşad Mahmudov əməliyyatla bağlı bildirib: “Son illərdə ürək cərrahiyyəsi ölkəmizdə o qədər inkişaf edib ki, açıq ürək əməliyyatından 4 gün sonra belə uşaqlar ağrısız və gülər üzlə evə yola salınırlar. Müvəffəqiyyət korporativ məhsuldur, yəni komanda işidir”.