Milli Hematologiya və Transfuziologiya Mərkəzində ulu öndər Heydər Əliyevin anım günü ilə bağlı tədbir keçirilib.

Mərkəzdən Aztibb.az-a bildirilib ki, əvvəlcə Ulu Öndərin əziz və unudulmaz xatirəsi bir dəqiqəlik sükutla yad edilib.

Tədbirdə Milli Hematologiya və Transfuziologiya Mərkəzinin icraçı direktoru Valeh Hüseynov Heydər Əliyevin Azərbaycan xalqı qarşısında böyük xidmətlərindən söhbət açaraq, ömrünü xalqına həsr etmiş, milləti, dövləti üçün misilsiz xidmətlər göstərmiş dahi liderin elm, təhsil və səhiyyə sahələrində qətiyyətli islahatlarından danışıb.

Daha sonra Mərkəzin Laboratoriya şöbəsinin müdiri Əfsanə Məmmədova və həkim revmatoloq Şəhla Hadıyeva çıxış edərək Ulu Öndərin şərəfli ömür yolundan, həyat və siyasi fəaliyyətindən bəhs ediblər. Bildirilib ki, məhz Heydər Əliyevin əsasını qoyduğu və Müzəffər Ali Baş Komandan İlham Əliyevin uğurla davam etdirdiyi uzaqgörən siyasət nəticəsində  44 günlük Vətən müharibəsində Azərbaycanın ərazi bötövlüyü bərpa edildi.