Tədbirdə müəssisənin baş həkimi Elmar Qaçabəyov tarix yaradan dahi şəxsiyyət Heydər Əliyevin yüksək siyasi fəaliyyəti olmadan Azərbaycanın bu gün nail olduğu uğurlardan bəhs etməyin qeyri-mümkün olduğunu bildirib. O, Ulu Öndərin dünya siyasət tarixində dərin iz buraxdığını vurğulayıb. Elmar Qaçabəyov bütün insani keyfiyyətləri özündə birləşdirən, vətənini hər şeydən uca tutan, Azərbaycan xalqının xilaskarı Heydər Əliyevin irsini heç zaman unutmamağın, onu qoruyub-saxlayaraq gələcək nəsillərə ötürməyin hər bir vətəndaşın mənəvi borcu olduğunu qeyd edib.

 

Daha sonra ETMGİ-nin YAP təşkilatının sədri Ədalət Əliyev çıxış edərək Heydər Əliyevin  vətənimiz qarşısında tarixi xidmətlərindən, dövlətçiliyimizin inkişafı, xalqın rifahının yaxşılaşdırılması üçün gördüyü işlərdən, təməlini qoyduğu siyasi kursdan, onun strateji inkişafından bəhs edib. Heydər Əliyev siyasi kursunu bütün sahələrdə uğurla davam etdirən Ali Baş Komandan İlham Əliyevin uğurlu siyasəti nəticəsində xalqımızın işğal altında olan torpaqlarına qovuşduğunu vurğulayan Ə.Əliyev Azərbaycanın tərəqqisində onların əvəzsiz rolunu qeyd edib.

 

Çıxışının sonunda Ə.Əliyev ümummilli lider Heydər Əliyevin irsinin dərindən mənimsənilməsinin, onun əsasını qoyduğu azərbaycançılıq ideyalarının geniş şəkildə təbliğ olunmasının Ulu Öndərin siyasətinə verilən önəmin göstəricisi olduğunu bildirib.