Milli Hematologiya və Transfuziologiya Mərkəzinin rəhbərliyinin dəstəyilə Hemofiliyalı Xəstələrin Respublika Assosiasiyası tərəfindən laxtalanma pozğunluğundan əziyyət çəkən pasiyentlər üçün stomatoloji müayinə və müalicə aksiyası keçirilib.
Aztibb.az-ın xəbərinə görə, Mərkəzin həkim stomatoloqu Abbas Abdullayev qanın laxtalanma pozğunluğundan əziyyət çəkən pasiyentlərin ağız boşluğunu müayinə edərək ehtiyac olduqda müalicə təyin edib. Müayinə və müalicə peşəkar həkim tərəfindən uğurla aparılıb.
Qeyd edək ki, Hemofiliyalı Xəstələrin Respublika Assosiasiyası Novo Nordisk Hemofiliya Fondunun dəstəyi ilə Milli Hematologiya və Transfuziologiya Mərkəzinin stomatoloji kabinetini müasir tibbi avadanlıqlarla, mebel və müalicə üçün lazımi plombalarla tam təchizatlandırıb.
Bununla da gələcəkdə hemofiliya və digər qanın laxtalanma pozğunluğundan əziyyət çəkən vətəndaşlar üçün stomatoloji müalicə və müayinələr sistematik olması nəzərdə tutulub.
