Elmi-Tədqiqat Tibbi Bərpa İnstitutunda Elmi Şuranın növbəti iclası keçirilib.
Aztibb.az-a İnstitutdan bildirilib ki, iclasda müəssisənin direktoru t.ü.f.d. Pərvin Əkbərov, direktorun elmi işlər üzrə müavini prof. Sədaqət Hüseynova, elmi katib t.ü.f.d Sevinc Rzayeva, elmi şuranın üzvləri, elmi işçilər və həkim əməkdaşlar iştirak ediblər.
Pərvin Əkbərov tədbirdə iclasın gündəliyinə uyğun olaraq dissertasiya işlərinin əsas müddəalarının müzakirə olunacağını bildirib.
İlk olaraq, Klinik- Neyrofiziologiya laboratoriyasının böyük elmi işçisi Mərziyyə Məmmədovanın tibb üzrə fəlsəfə doktoru elmi dərəcəsi almaq uçun təqdim etdiyi "Transkranial və çoxsəviyyəli maqnit stimuliyasiyasının insultdan sonrakı xəstələrin müalicə bə bərpasında tətbiqi" mövzusunda dissertasiya işi dinlənilib və təkrar müzakirəsi edilib.
İnstitutun Terapiya bölməsinin elmi rəhbəri t.ü.f.d. Malik Bəylərovun tərtib etdiyi "Bilgəh sanatoriyasına xəstələrin qəbulu üzrə göstəriş və əksgöstərişlər" adlı metodik vəsaitin müzakirəsi aparılıb və təsdiq edilib.
Daha sonra resenzentlərin çıxışları dinlənilib, səsvermə keçirilib.
İclasın ll hissəsində İstanbul Atlas Universitetinin magistrları Rüfət Cabbarlı, Nazir Rzalı, Əziz Dəvrişovun elmi işləri dinlənilib və ETTBİ-nin Etik Komissiyasına təqdim edilib.
Sonda rəhbərlik institutun elmi işçilərinin tədqiqatlarında yeni nailiyyətlərə imza atacağına inandığını və bunun üçün hər sahədə onlara dəstək olacağını bildirib.