Artıq çəkili insanların ürək yükü normal çəkili insanlara görə daha çoxdur. Bu səbəblə artıq çəki ürək və damar sağlamlığı riskini artıran amildir.
Onun sözlərinə görə, artıq çəkili olmaq arteriyalarda yağ yığılmasına səbəb ola bilər. Ürəyə qan daşıyan arteriyalar zərər görər və tıxanarsa, bu vəziyyət infarkta səbəb ola bilər.
Həkim bildirib ki, artıq çəki ürəyin işemik xəstəliyinə, stenokardiyaya səbəb ola bilər. Çəkisi artıq olanlar təngnəfəslikdən əziyyət çəkdikləri üçün, bu, son nəticədə ağciyər və ürək çatmazlığına səbəb olur. Həmçinin artıq çəkili insanlarda aterosklerozun inkişaf etmə riski yüksək olur.
"Piylənmə pis xolesterin və triqliserid səviyyələrində sıçrayışlara səbəb ola, HDL xolesterini aşağı sala bilər. Nəticədə ürək xəstəliyi riski artar.
Artıq çəkili insanlar bədənlərini oksigen və qida maddələri ilə təmin etmək üçün daha çox qana ehtiyac duyurlar, nəticədə qan təzyiqi yüksəlir. Yüksək qan təzyiqi də infarktın ümumi səbəbidir", - deyə Cabir Gülmalıyev qeyd edib.
Uzman həkim əlavə edib ki, xüsusilə fast-food qidalardan uzaq durmaq, gündəlik rasiondakı heyvani qidaları azaltmaq və həyat tərzinizi dəyişdirib daha aktiv olmaq piylənməyə bağlı riskləri azalda bilər.