Angina (kəskin tonzillit) boğazda iltihab, ağrı ilə müşayiət olunan, udqunmaqda çətinlik yaradan yoluxucu xəstəlikdir.

Aztibb.az medikforum.ru-ya istinadla xəbər verir ki, həkim-diyetoloq, endokrinoloq Natalya Qridina angina zamanı vəziyyəti yüngülləşdirmək üçün dondurma yeməyi məsləhət bilib. 

"Soyuq angina zamanı yaxşı köməkçi ola bilər, çünki o, iltihabı azaltmaq və damarları daraltmaq imkanına malikdir", - deyə mütəxəssis qeyd edib.

O, əlavə edib ki, bundan başqa, qaymaqlı dondurmalar yağlılığı sayəsində boğazdakı quruluğu da götürə bilər.

Həkim bildirib ki, dondurma mümkün qədər təbii olmalıdır və tərkibində şokolad, çərəz, karamel və s. kimi əlavələr olmamalıdır.