Göyçay Rayon Mərkəzi Xəstəxanasının həkim-kardioloqu Əbülfəz Əliyevin 70 illik yubileyidir.

 

Bu münasibətilə Aztibb.az səhiyyə xəbər portalı adından Əbülfəz Əliyevi təbrik edir, ona möhkəm can sağlığı, səhiyyəmizin inkişafı yolunda nailiyyətlər arzulayırıq.

 

Ömrünü tibb sahəsinə həsr edən, işinin peşakarı olan Əbülfəz Əliyev fəaliyyəti dövründə həm Göyçay Rayon Mərkəzi Xəstəxanasının kollektivi, həm də vətəndaşlar arasında böyük hörmət qazanıb. O, üzərinə düşən öhdəlikləri layiqincə yerinə yetirib, yüksək insani keyfiyyətləri ilə seçilib.

 

Qeyd edək ki, Əbülfəz Hüseyn oğlu Əliyev 1952-ci ildə Göyçay rayonunda anadan olub. 1969-1975-ci illərdə Azərbaycan Tibb Universitetində təhsil alıb. 1975-ci ildə Bakı şəhəri 11 saylı Poliklinikada internatura keçib.

 

O, 1976-1992-ci illərdə Ucar Rayon Mərkəzi Xəstəxanasının Poliklinika şöbəsində işləyib. 1993-cü ildə Göyçay Rayon Mərkəzi Xəstəxanasının TTTY şöbəsində çağırışçı həkim, 1998-ci ildə Poliklinika şöbəsində sahə həkimi, 2002-ci ildən isə kardioloq-həkim kimi fəaliyyət göstərir.