Aztibb.az "Həkimlərimizi tanıyaq!" rubrikasında peşəkar səhiyyə işçilərini tanıtmaqda davam edir.
Rubrikamızda bu dəfə Qəbələ Rayon Mərkəzi Xəstəxanasının həkim-kardioloqu İlqar İsmayılov haqqında məlumatları diqqətinizə çatdırırıq.
İlqar Şahismayıl oğlu İsmayılov 22 may 1979-cu ildə Qəbələ rayonunda anadan olub. 1996-2002-ci illərdə Azərbaycan Tibb Universitetinin Müalicə işi fakültəsində təhsil alıb. 2002-2003-cü illərdə Elmi-Tədqiqat Kardiologiya İnstitunda internatura keçib.
O, 2006-cı ildən Qəbələ RMX-da həkim kardioloq vəzifəsində çalışır. İlqar həkim 44 günlük Vətən müharibəsi dövründə də öz dəstəyini əsirgəməyib. Füzuli, Cəbrayıl, Zəngilan ,Laçın istiqamətlərində gedən döyüşlərdə də yaralanan yüzlərlə əsgərlərimizin yarasına məlhəm olub, gecə-gündüz yorulmadan yaralılara qulluq edib. İlqar İsmayılov göstərdiyi xidmətlərə görə müxtəlif medallarla təltif olunub.
