Bu gün Tərtər Rayon Mərkəzi Xəstəxanasının həkim briqadası Şıxarx kəndində səyyar qəbulda olub.

 
Xəstəxanadan Aztibb.az-a bildirilib ki, əsas məqsəd rayonun kəndlərində yaşayan əhalinin, eləcə də şəhid və qazi ailələrinin tibbi xidmətlə daha yüksək səviyyədə təmin olunmasından ibarətdir.

Tərtər RMX-na gəlməkdə maddi və fiziki çətinliyi olan xəstələr yerindəcə tibbi müayinə olunub, müalicəyə cəlb ediliblər.

Həkim briqadasının tərkibində terapevt, pediatr, mama-ginikoloq, laborant və digər ixtisas həkimləri var.