Bu gün "Uşaq yaşı epilepsiyaların diaqnostika və müalicəsinə müasir yanaşma" mövzusunda elmi-praktik konfrans keçirilib.

Bu barədə Aztibb.az-a K.Y.Fərəcova adına Elmi-Tədqiqat Pediatriya İnstitutundan məlumat verilib.

Bildirilib ki, konfransda institutun direktoru t.ü.f.d., dos. Allahverdi Musayev açılış nitqi ilə çıxış edərək epilepsiyanın həm pasiyentin, həm də onun ailə üzvlərinin həyat keyfiyyətinə mənfi təsir edən, sinir sisteminin ən geniş yayılmış xəstəliklərindən biri olduğunu bildirib. Qeyd edib ki, epilepsiya xəstəliyi xroniki bir xəstəlik olduğu üçün müalicəsi uzun vaxt tələb edir. Uşaqlarda epilepsiya xəstəliyinin 70-80 faizi müalicəyə tabe olur, tutmaları ya tam şəkildə aradan qalxır ya da azalır-deyə qeyd edib.

Yerli və xarici mütəxəssislərin iştirakı ilə keçirilən konfransda epilepsiyanın etiologiyasına, erkən diaqnostikada yeni texnologiyaların tətbiqinə, genetik, molekulyar tədqiqatlara, o cümlədən müalicədə müasir texnologiyalara və farmakoterapiyanın yeni istiqamətinə dair məlumatlar təqdim olunub.

Sonda tədbir iştirakçılarına sertifikat təqdim olunub.