Azərbaycanın görkəmli muğam ifaçısı, Xalq artisti Arif Babayev insult keçirib.

Bu barədə Xalq artisti Mənsum İbrahimov məlumat verib.

O, bildirib ki, Arif Babayev bir neçə gün əvvəl xəstəxanaya yerləşdirilib, hazırda onun səhhəti yaxşıdır: “A.Babayev bu gün xəstəxanadan çıxmalı idi. İndi hər şey qaydasındadır”.

Qeyd edək ki, A.Babayev Azərbaycan muğam sənətinin inkişafındakı böyük xidmətlərinə görə 1978-ci ildə "Əməkdar artist", 1989-cu ildə "Xalq artisti" fəxri adlarına layiq görülüb, 1998-ci ildə “Şöhrət”, 2008-ci il “İstiqlal”, 2018-ci ildə isə “Şərəf” ordeni ilə təltif edilib.