39 yaşlı qayınının öz yeznəsinə bağışladığı böyrəklə yenidən həyata bağlanan xəstəmizi və donoru sağlam şəkildə evə göndərdik.

Aztibb.az xəbər verir ki, bu barədə Mərkəzi Klinikanın ümumi cərrahı, transplantoloq Tariyel Nadirov feysbukda paylaşım edib.

Həkim bildirib ki, keçən həftə həyata keçirdiyimiz böyrək nəqli özəlliyi ilə yadda qaldı. Belə ki, donorun bütün orqanları normal anatomik yerində deyil, əks tərəfdə yerləşirdi (situs inversus). 

"Bu əməliyyatda əziyyəti keçən hər kəsə, xüsusən donor əməliyyatını mükəmməl icra edən Zaur Xəlilova təşəkkürümü bildirirəm. Belə donorlar ciddi texniki çətinliklə həyata keçirilir və irəli laparoskopik bacarıq tələb edir", - deyə Tariyel Nadirov əlavə edib.