Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən həkimlərimizi tanıtmaqda davam edir.

Rubrikada bu dəfə Füzuli Rayon Mərkəzi Xəstəxanasının cərrah-travmatoloqu Niyazi Əliyev haqqında məlumatları oxuculara təqdim edirik.

Niyazi Mürşüd oğlu Əliyev 16 yanvar 1958-ci ildə Füzuli rayonunun Merdinli kəndində anadan olub. 1975-ci ildə orta məktəbi bitirdikdən sonra 1979-cu ildə Tibb İnstititunun Müalicə-profilaktika fakültəsinə daxil olub. 1986-cı ildə Füzuli RMX-da həkim travmatoloq kimi fəaliyyətə başlayıb.

O, 1992-2010 cu illərdə həkim kimi hərbi xidmətdə olub və I Qarabağ müharibəsində yaxından iştirak edib. Yüzlərlə yaralıya həyat bəxş edib. Sonradan N saylı hərbi hospitalın komandiri olub. Həmin illərdə 4 dəfə ölkə başçısı tərəfindən medalla təltif edilib. Hazirda ehtiyatda olan tibb xidmət mayorudur.

Niyazi Əliyev 2010-cu ildə Füzuli MRX-nın Tramatologiya şöbəsinin müdiri vəzifəsində çalışıb. 2020-ci ildə II Vətən müharibəsi zamanı Füzuli RMX-a gətirilmiş yaralılara 44 gün yorulmadan xidmət göstərib. Niyazi həkimin I Qarabag müharibəsi zamani qazandığı təcrübəsi 44 günlük Vətən müharibəsi zamanı da yaralılara tibbi xidmətin təşkilində önəmli rol oynayıb. Belə ki, həkim yaralıların çeşidlənməsini öz üzərinə götürüb, bu isə, tibbi xidmətin daha asan və az itki ilə başa çatmasına səbəb olub. Vətən müharibəsində arxa cəbhədə şücaət göstərən ağxalatlı qəhramanlardan olan Niyazi Əliyev korpus komandiri tərəfindən Fəxri fərmanla təltif edilib.