Aztibb.az-ın “Həkimlərimizi tanıyaq!” rubrikasında Sizlərə pasiyentlərə böyük qayğı ilə yanaşan yüksəkixtisaslı nefroloq həkim, Mərkəzi Gömrük Hospitalının Efferent terapiya şöbəsinin müdiri Mirmənsim Məmmədovu təqdim edirik.

Mirmənsim Məmmədov 2008-ci ildə Azərbaycan Tibb Universitetini bitirib, 2008-2009-cu illərdə Mərkəzi Dəmiryol xəstəxanasında internatura keçib. 2011-2013-cü illərdə dövlət tibb müəssisəsində həkim-nefroloq işləyib.

Mirmənsim Məmmədov 2013-cü ildən Mərkəzi Gömrük Hospitalında nefroloq, 2018-ci ildən isə Hospitalın Efferent terapiya şöbəsinin rəisi kimi fəaliyyət göstərir. O, daim öz bilik və bacarıqlarını artıran, özünə qarşı tələbkar olan yüksəkixtisaslı mütəxəssisdir.

Mərkəzi Gömrük Hospitalında nefroloji və böyrək transplantasiyası olmuş xəstələrin polikilnik və stasionar müalicəsini, hemodializ kateterinin qoyulmasını, daimi hemodializ kateterinin qoyulmasını, kəskin və xroniki böyrək çatışmazlığında hemodializ, hemofiltrasiya, izolyasiya olunmuş ultrafiltrasiya, membran plazmafarez və böyrəklərin incə iynə ilə biopsiyası prosedurlarını həyata keçirir.

O, müxtəlif illərdə xarici ölkələrdə təşkil olunan təkmilləşdirmə kurslarında, beynəlxalq konqreslərdə iştirak edib. Belə ki, 2009-2011-ci illərdə Türkiyə 9 Eylül Universitetinin Nefrologiya kafedrasında, 2015-ci ildə Türkiyənin Akdeniz Univerisitetinin Orqan Transplantasiyası Mərkəzində təkmilləşdirmə kursları keçib. O, 2015-ci ildə Türkiyənin Ankara şəhərində XII Beynəlxalq İntensiv Terapiya konqresində və 2018-ci ildə Antalyanın Belek şəhərində Beynəlxalq nefroloji, hipertoniya, dializ və transplantasiya konqresində iştirak edib.

Mirmənsim Məmmədov 2019-cu ilin aprel ayında Türkiyənin Ankara şəhərində yerləşən Ankara Tibb Universitetinin Pediatriya xəstəxanasında "Uşaqlarda kəskin və xroniki böyrək çatışmazlığı zamanı peritoneal dializ" mövzusunda təkmilləşdirmə kursunun, həmin ilin oktyabr ayında Türkiyənin Malatya şəhərində yerləşən İnönü Universitetinin Qaraciyər Transplantasiya İnstitutunda hepatorenal sindromlu xəstələrdə ekstrakarporal müalicə üzrə təkmilləşdirmə kursunun iştirakçısı olub.

Nefroloq həkimin qəbuluna yazılmaq üçün əlaqə nömrəsi: (012) 404-08-08.