“Həkimlərimizi tanıyaq!” rubrikamızda oxuculara Qəbələ Rayon Mərkəzi Xəstəxanasının anestezioloq-reanimatoloqu Həyat Ədilovanı təqdim edirik.

 

Həyat Məmmədiyyə qızı Ədilova 6 sentyabr 1973-cü ildə Qəbələ rayonunun Qəmərvan kəndində anadan olub. 1991-1998-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 1997-1998-ci illərə Qəbələ Rayon Mərkəzi Xəstəxanasında internatura keçib.

 

O, 2003-2009-cu illərdə Qəbələ RMX-nın Anesteziologiya, reanimasiya, intensiv terapiya şöbəsində, 2009-2022-ci illərdə Qəbələ Müalicəvi Diaqnostika Mərkəzində anestezioloq-reanimatoloq vəzifəsində çalışıb. 18 yanvar 2022-ci ildən isə Qəbələ RMX-nın Anesteziologiya, reanimasiya, intensiv terapiya şöbəsində anistezioloq-reanimatoloq kimi fəaliyyətini davam etdirir.

 

Həyat həkim 2020-ci ilin sentyabr ayında Füzuli Müalicə Diaqnostika Mərkəzinə ezam olunaraq 44 günlük Vətən müharibəsində öz köməyini, dəstəyini əsirgəməyib. Yüzlərlə igid əsgərlərimizin yarasına məlhəm olub. Gecə-gündüz yorulmadan, dincəlmədən yaralılara qulluq edib.